” စားစရာမရှိလို့ စိတ်ဆင်းရဲတယ်ဆိုရင် နားလည်နိုင်ပါတယ်။ ဝတ်စရာမရှိလို့ စိတ်ဆင်းရဲတယ်ဆိုရင်လည်း နားလည်နိုင်ပါတယ်။ နေစရာမရှိလို့ သူ့မှာ စိတ် ဆင်း ရဲခြင်းဖြစ် နေတယ်ဆိုရင်လည်း နားလည်နိုင်ပါသေးတယ်။ သို့သော် လူတော်တော်များများမှာ စားစရာလည်း ရှိပါတယ်။ နေစရာကောင်းကောင်း မွန်မွန် လည်းရှိပါတယ်။ ဝတ်စရာတွေလည်း အများကြီးရှိပါတယ်။ ဒါပေမဲ့ စိတ်မချမ်းသာဘူး။ ငါ့မှာ စားစရာလည်းရှိတယ်၊ ဝတ်စရာလည်းရှိတယ်၊ နေစရာ လည်းရှိတယ်။ ငါဘာလို့ စိတ် ဆင်း ရဲနေတာလဲ။ ဘယ်သူက နှိပ် စက်နေတာလဲ။ ကိုယ့်စိတ်က ကိုယ့်ကို နှိပ်စက်နေတာပါ။ အဲဒီ တော့ စိတ်ချမ်းသာချင်ရင်စိတ် အကြောင်းကို သိမှဖြစ်မယ်။ လောလော ဆယ်နှိပ်စက်နေ တာကြီး မပျောက်ခင်မှာ နှိပ် စက်နေမှန်း အသေးစိတ်သိ ဖို့လိုတယ်။ ဘယ်လောက်ထိအောင် အသေးစိတ်နှိပ်စက်နေလဲဆိုတာ သိဖို့လိုတယ်။ စိတ်ဝင်စားမှုရှိဖို့ လိုတယ်။ ဒါကြောင့် ခဏခဏ Quote လုပ်တာလေးတစ်ခုရှိတယ်။ When you understand mind, you are not at its mercy. တဲ့။ စိတ်ကိုသိလို့ရှိရင် စိတ်ရဲ့လွှမ်းမိုးမှု၊ နှိပ်စက်မှု၊ ခြယ်လှယ်မှုကို မခံရတော့ဘူး။ စိတ်ကိုမသိလို့ရှိရင် သူနှိပ်စက်သမျှ၊ လွှမ်းမိုးသမျှ၊ ခြယ်လှယ်သမျှ ဧကန်မုချခံရမှာပဲ။ သေသည် ထိအောင် နှိပ် စက်မှာ။ အဲဒီတော့ သေခါနီးနောက်ဆုံး အချိန်အထိအောင် မနှိပ်စက်အောင်ဆိုရင် သူ့သဘာဝကို သေသေချာချာသိဖို့ အင်မတန်အရေးကြီးပါတယ်။ အဲဒီတော့နေတတ်ရင် စိတ်ချမ်းသာမယ်။ စိတ်ထားတတ်ရင် စိတ်ချမ်းသာမယ်။ အသိဥာဏ်နဲ့ နေတတ်ရင် အများကြီး သက်သာရာရမယ်။
လူတွေဟာ စိတ်ချမ်းသာမလားဆိုပြီး အမျိုးမျိုး ရှာကြံလုပ်ကြတယ်။ ဘယ်ဟာမှ တကယ်နက်နက်နဲနဲ အတွင်းကျကျ စိတ်ချမ်းသာမှု မပေးနိုင်ဘူး။ ဘယ်ဟာရရ ခဏလေးပဲ စိတ်ချမ်းသာတယ်။ အဆင်မပြေမှုဟာ တစ်ခုပြီးတစ်ခုပေါ်နေမှာပဲ၊၊ အဆင်မပြေမှုဆိုတာ လောကရဲ့သဘာဝပဲ။ လောကကြီး ဟာ ဘယ်တော့မှ perfect မဖြစ်နိုင်ဘူး။ ဒီလိုဖြစ်နေတဲ့ သဘာဝတွေကို ဥာဏ်နဲ့ ယှဉ်ပြီးတော့ နေသွားရင် အသိဥာဏ် တဖြည်းဖြည်းနဲ့ ရင့်ကျက်လာပြီးတော့ စိတ်ကဖြစ်သမျှကိစ္စ တွေပေါ်မှာလိုက်ပြီးတော့ တုံ့ ပြန် မှု react မလုပ်တော့ဘူး။ မြင်ရုံမျှ၊ ကြားရုံမျှ၊ သိရုံမျှလေးပဲနေသွားလို့ရတယ်။ စိတ်ကမတုံ့ပြန်ရင် အများကြီးသက်သာပါတယ်။
ဘာဖြစ်လို့ စိတ်ဆင်းရဲနေတာလဲဆိုတာ သိဖို့လိုတယ်။ စိတ်က တုံ့ ပြန်နေလို့ ဆင်းရဲနေတာပါ။ ဒါကြောင့် စိတ်ကတုံ့ပြန်နေတာ react လုပ်နေတာတွေကို လိုက်ကြည့်ဖို့၊ သိဖို့လိုတယ်။ သိလာလို့ရှိရင် react လုပ်တာ နည်းနည်းသွားတယ်။ စိတ်အကြောင်း အပြည့်အစုံသိသွားပြီဆိုရင် စိတ်ကမတုံ့ပြန်တော့ဘူး။ မတုံ့ပြန်တော့ရင်လုပ် သမျှကိစ္စ တိုင်းက reaction မဟုတ်တော့ဘဲနဲ့ ဥာဏ်နဲ့သိပြီးလုပ်တဲ့ Wholesome Action ၊ ဥာဏ်နဲ့သိပြီးလုပ်တဲ့ ကုသိုလ်စိတ်ဖြစ်တယ်။ အချိန်ပြည့်လောဘနဲ့ react လုပ် တယ်၊ ဒေါသနဲ့ react လုပ်တယ်၊ မာနနဲ့ react လုပ်တယ်၊ မနာလိုဝန်တိုမှုနဲ့ react လုပ်တယ်။ တုံ့ပြန်နေကြတာနော်။
သတိနဲ့မနေတတ်ရင်တော့ မြင်လိုက်တာနဲ့ Automatic reaction ဖြစ်ပြီးနေပြီ။ ကြားလိုက်တာနဲ့ Automatic reaction ဖြစ်ပြီးနေပြီ။ တစ်ခုခုသိလိုက်တာနဲ့ အလို အလျောက် စိတ်ကတုံ့ပြန်ပြီးနေပြီ။ အဲဒီတော့ အလိုအလျောက်Automatic စိတ်က တုံ့ပြန်လိုက်လို့ရှိရင်များသောအားဖြင့်တော့ Unwhole-some Reaction ဖြစ်ေ နပြီနော်။ အကုသိုလ်နဲ့ တုံ့ပြန်တာဖြစ်နေပြီ။ ဒီလိုဖြစ်နေရင် စိတ်ကရှုပ်ထွေးတယ်။ ဘဝရှုပ်ထွေးတယ်။ အကုသိုလ်ဆိုတာ ဘဝကို သိပ်ရှုပ်ထွေးစေတယ်။ စိတ်ချမ်းသာ ဖို့ ဆိုတာ သိပ်မျှော်လင့်လို့ မဖြစ်တော့ဘူး။
ဒီလိုဖြစ်နေတာကိုပဲ ဖြစ်နေမှန်းသိနေရင် အဲဒီလို အလိုအလျောက် တုံ့ပြန်နေတဲ့ သဘောတွေ automatic reaction တွေနည်းသွားတယ်။ ဖြစ်လာရင် ချက်ချင်းသိတယ်၊ ချက်ချင်းပျောက်သွားတယ်။ ဒီထက်ကြာလို့ရှိရင် ဖြစ်ကိုမဖြစ်တော့ဘူး။ သိပြီးတော့လုပ်လိုက်တဲ့ အလုပ်တစ်ခုဟာ Wholesome Action ဖြစ်သွားတယ်။ ကုသိုလ်ဖြစ် သွားတယ်။ သတိနဲ့အတူပါလာတဲ့ ဥာဏ်ပညာက ဘဝကိုရှင်းလင်းပေးသွားတယ်။ ဘဝဟာအများကြီး Simple ဖြစ်လာတယ်။ ရိုးရှင်းလာတယ်။ စိတ်ရှုပ်ထွေးရင် ဘဝ ရှုပ်ထွေးတယ်။ စိတ်ရှင်းရင် ဘဝလည်း ရှင်းသွားတာပါပဲ။ ဘဝဆိုတာ စိတ်ရဲ့ Reflection ၊ စိတ်ရဲ့ရောင်ပြန်ဟပ်မှုပါပဲ။ အဲဒီတော့ ရှုပ်နေတာကို အရင်သိဖို့လိုတယ်။ ရှုပ်နေတာကို သေသေချာချာသိသွားရင် တဖြည်းဖြည်း၊ တဖြည်းဖြည်း ရှင်းရှင်းသွားတယ်။ Automatic reaction မလုပ်တော့ဘူး။ အဲဒီ Automatic reaction ကြောင့် ရှုပ်နေတာ။ mindful wholesome action က မရှုပ်ဘူး။ ဥာဏ်နဲ့သိပြီးတော့ သေသေချာချာလုပ်တဲ့ အလုပ်က ဘဝကိုမရှုပ်ထွေးစေဘူး။ “
ဆရာတော်ဦးဇောတိက ( မဟာမြိုင်တောရ )
Source:Popularmyanmar.com
0 comments:
Post a Comment