IS အစ္စလာမ်မစ် အဖွဲ့နဲ့ အဆက်အသွယ် ရှိတယ်လို့ ယူဆရသူ လူ နှစ်ယောက်ကို အင်ဒိုနီးရှား အစိုးရက မနေ့က ဖမ်းဆီးလိုက်ပြီး ဒါဟာ တစ်ပါတ်အတွင်း ၇ ယောက်မြောက် ဖမ်းဆီးခံရခြင်း ဖြစ်ပါတယ်။
အင်ဒိုနီးရှားနိုင်ငံက အကြမ်းဖက် ကွန်ယက်အဖွဲ့တွေနဲ့ IS အဖွဲ့တွေအကြား ဆက်ဆံရေး တိုးလာတာတွေ ရှိတယ်လို့ ပြောဆိုပြီးတဲ့နောက် လူနှစ်ယောက်ကို မနေ့က ဖမ်းဆီးလိုက်တာ ဖြစ်ပါတယ်။
ဒါ့အပြင် အရင်ရက်တွေတုန်းကလည်း အင်ဒိုနီးရှား နိုင်ငံသား ၁၆ ယောက်ကို ဆီးရီးယား နိုင်ငံက IS အဖွဲ့နဲ့ သွားရောက်ပူးပေါင်းဖို့ စီစဉ်ကူညီခဲ့သူ လူ ၅ ယောက်ကိုလည်း ဖမ်းဆီးခဲ့ပါတယ်။
အင်ဒိုနီးရှားနိုင်ငံသား ၁၅၉ ယောက်က IS အဖွဲ့နဲ့ ပူးပေါင်းခဲ့ပြီး အဲဒီအထဲက ၁၁ ယောက် သေဆုံးခဲ့ရပြီ ဖြစ်တယ်လို့ ဆိုပါတယ်။
ဒါ့အပြင် ၁၁ ယောက်က အင်ဒိုနီးရှားနိုင်ငံကို ပြန်လာပြီး သုံးယောက်ကိုတော့ ဖမ်းမိထားပြီလို့ အင်ဒိုနီးရှား ရဲအရာရှိက ပြောပါတယ်။
အင်ဒိုနီးရှားနိုင်ငံကို ပြန်ရောက်လာတဲ့ လူတွေက အင်ဒိုနီးရှားနိုင်ငံမှာ အကြမ်းဖက်မှုတွေ ပြန်လုပ်ဖို့ အခြေအနေ ရှိနေတယ်လို့ ပြောလိုက်သလို အရင်လတုန်းက ရှော့ပင်းစင်တာ တစ်ခုမှာ ကလိုရင်းဗုံးတွေနဲ့ တိုက်ခိုက်ခဲ့တာကလည်း အဲဒီလို IS အဖွဲ့နဲ့ ပူးပေါင်းရာက ပြန်ရောက်လာသူတွေ ဖြစ်နိုင်တယ်လို့ ပြောပါတယ်။
အင်ဒိုနီးရှားနိုင်ငံမှာ ကလိုရင်း ဗုံးတွေကို တခါမှ အသုံးမပြုဖူးပဲ အဲဒီဗုံးတွေကို IS အဖွဲ့ကသာ သုံးလေ့ရှိတာကြောင့် အဲဒီလို စွပ်စွဲရတာ ဖြစ်ကြောင်းလည်း ပြောပါတယ်။
ဘာလီမြို့မှာ ဖြစ်ခဲ့တဲ့ ဗုံးပေါက်ကွဲမှုတုန်းက ဆိုရင်လည်း အကြမ်းဖက်သမားတွေက အာဖဂန်နစ္စတန်ကို သွားပြီး သင်တန်းတွေ တက်ခဲ့ကြတယ်လို့ ဆိုပါတယ်။
အကြမ်းဖက်သမားတွေဆီ သင်တန်းတက်ခဲ့သူ ၁၉၇ ယောက် အင်ဒိုနီးရှားကို ပြန်လာပြီး ဗုံးခွဲခဲ့တာလို့ ဆိုပါတယ်။
အဲဒီတုန်းက အချိန်မှီ မဖမ်းဆီးနိုင်ခဲ့ပေမယ့် ဒီတချီမှာတော့ အတတ်နိုင်ဆုံး လုပ်ဆောင်နေတယ်လို့ ရဲအရာရှိက ပြောပါတယ်။
ဘာလီမြို့မှာ ဖြစ်ခဲ့တဲ့ ဗုံးပေါက်ကွဲမှု အတွင်း နိုင်ငံခြားသားတွေ အများအပြား သေဆုံးခဲ့ရပြီး အဲဒီအထဲမှာ သြစတြေးလျနိုင်ငံသား အယောက် ၈၀ ကျော် ပါဝင်ခဲ့ပါတယ်။
ABC Radio Australia
http://www.radioaustralia.net.au/burmese
0 comments:
Post a Comment