ကော့ကရိတ် အောက်တိုဘာ ၂၂
အောက်တိုဘာ ၂ဝ ရက် ညနေ ၃ နာရီခန့်က မြဝတီမှ ကော့ကရိတ် သို့ ယာဉ်မောင်းကျော်မင်းဦး(၄ဝ နှစ်) မောင်းနှင်လာသော ၁၂ ဘီးကုန်တင် ယာဉ် ဖြူ/နက်ပြာယာဉ်မှာ မြဝတီ မြို့မှ ကော့ကရိတ်မြို့သို့ ကုန်ပစ္စည်း များ တင်ဆောင်မောင်းနှင်လာစဉ် ချောင်းမပူးတံတား (၅)တန်အနီး အရောက်တွင် အရှိန်မထိန်းနိုင်ဘဲ လမ်းယာဘက်တောင်နံရံအား ဝင် ရောက်တိုက်မိခဲ့ပြီး တိမ်းမှောက် ခဲ့ကြောင်း သိရသည်။
ယာဉ်ထိန်းတပ်ဖွဲ့စု(၇၁)မှ ရဲအုပ် ဝင်းအောင်၊ ခရိုင်ရဲတပ်ဖွဲ့မှ ရဲအုပ် မျိုးမင်းထွန်း၊ မြို့နယ်ရဲတပ်ဖွဲ့မှ ရဲအုပ်ဇေယျာစိုးတို့က အခင်းဖြစ်ပွား ရာနေရာကို သွားရောက်စစ်ဆေး ခဲ့ရာ ယာဉ်မောင်းကျော်မင်းဦး မှာ ဒဏ်ရာ(မစိုးရိမ်ရ)ရရှိခဲ့ပြီး ကော့ကရိတ်ခရိုင် ပြည်သူ့ဆေးရုံသို့ တင်ပို့ပေးခဲ့သည်။
သို့ဖြစ်၍ ယာဉ်မဆင်မခြင် မောင်းနှင်သူ ယာဉ်မောင်း ကျော်မင်းဦးအား ဥပဒေအရ အရေးယူပေးပါရန် ရဲအုပ်ဝင်းအောင် က တရားလိုပြု လုပ်တိုင်တန်းပြီး ကော့ကရိတ်မြို့မရဲစခန်းက အမှုဖွင့် စစ်ဆေးဆောင်ရွက်လျက်ရှိကြောင်း သိရသည်။
တင်ဝင်းလှိုင်(ကော့ကရိတ်)
Myanmaalinn
https://www.facebook.com/MYANMAALINNNEWS
0 comments:
Post a Comment