ဦးဌေးဦးကို ရွေးကောက်ပွဲကော်မရှင် ခေါ်ယူသတိပေးမည်

အမျိုးသားဒီမိုကရေစီ အဖွဲ့ချုပ် NLD ပါတီဥက္ကဋ္ဌ ဒေါ်အောင်ဆန်းစုကြည်အား ဝေဖန်ပြောဆိုခဲ့သည့် ပြည်ခိုင်ဖြိုးပါတီ ပူးတွဲဥက္ကဋ္ဌ ဦးဌေးဦးကို ခေါ်ယူသတိပေးပြောဆိုမှုများ ဆောင်ရွက်သွားမည်ဟု ဟင်္သာတခရိုင် ရွေးကောက်ပွဲ ကော်မရှင်ဥက္ကဋ္ဌ ဦးဝင်းမောင်က The Messenger Media သို့ ပြောသည်။

      “အတိုင်ခံရတဲ့ဘက်နဲ့ တိုင်တဲ့ဘက် နှစ်ဖက်တွေ့ဆုံပြီးတော့ ညှိနှိုင်းပေးမယ်၊ ခေါ်ယူ သတိပေးမှာပေါ့။ အဲဒီလို လုပ်လိုက်ရင်တော့ နောက်အပြောအဆိုလည်း ဆင်ခြင်သွားမှာပေါ့”ဟု ၎င်းက ဆိုသည်။

      အောက်တိုဘာလ (၅)ရက်နေ့က “အိုဘားမား နှစ်ကြိမ်လာတော့ နှစ်ကြိမ် အနမ်းခံရတာပေါ့”ဟု ပြည်ခိုင်ဖြိုးပါတီ ပူးတွဲဥက္ကဋ္ဌ ဦးဌေးဦး ပြောဆိုပြီး၊ ဟင်္သာတမြို့နယ် ရဲကွင်းကျေးရွာ မဲဆွယ်စည်းရုံးမှုများ ပြုခဲ့သည်ဟု Daily Eleven သတင်းစာတွင် ဖော်ပြပါရှိသည်။

      ဦးဌေးဦး၏ ပြောစကားတွင် ပါဝင်သော “နှစ်ကြိမ် အနမ်းခံရတာပေါ့”ဟူ သည့် ပြောဆိုချက်သည် အမေရိကန် သမ္မတ အိုဘားမား မြန်မာနိုင်ငံသို့ လာရောက်သည့် ခရီးစဉ်အတွင်း အမျိုးသားဒီမိုကရေစီ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်နှင့် သီးခြားတွေ့ဆုံခဲ့စဉ် နှုတ်ဆက်ခဲ့ခြင်းကို ရည်ညွှန်းခဲ့ခြင်း ဖြစ်ပါသည်ဟု ယင်းသတင်းစာတွင် ဆက်လက် ဖော်ပြထားသည်။

      ယင်းကဲ့သို့ ပြောဆိုခဲ့မှုအား အထောက်အထားများ ရယူကာ သက်ဆိုင်ရာ ကော်မရှင်များထံ တင်ပြတိုင်ကြားသွားမည် ဖြစ်ကြောင်းလည်း ဟင်္သာတမြို့နယ်၊ အမျိုးသား ဒီမိုကရေစီ အဖွဲ့ချုပ် ကိုယ်စားပြု ပြည်သူ့လွှတ်တော်တွင် ၀င်ရောက် ယှဉ်ပြိုင်မည့် ဦးခင်မောင်ရီက ပြောသည်။

      ယင်းကဲ့သို အငြင်းပွားမှု ပြဿနာ တစ်စုံတစ်ရာ ဖြစ်လာပါက ဖြေရှင်းဆောင်ရွက်ရန် ခရိုင်ရွေးကောက်ပွဲ ဆိုင်ရာ စေ့စပ်ညှိနှိုင်း ရေးကော်မတီကို ၀င်ရောက် ယှဉ်ပြိုင်မည့် ပါတီများမှ ပါတီကိုယ်စားလှယ်များဖြင့် ဖွဲ့စည်းထားသည်ဟု ခရိုင်ရွေးကောက်ပွဲ ကော်မရှင်မှ သိရသည်။

      “စေ့စပ်ညှိနှိုင်းရေး ကော်မတီ အနေဖြင့်တော့ အမှုဖွင့်တာတုိ့ အရေးယူတာတို့တော့ လုပ်ပိုင်ခွင့်မရှိဘူး ကွန်ပလိန်းတက်ရင် စေ့စပ်ညှိနှိုင်းရေး အဖွဲ့ကနေ ပြေပြေလည်လည် ဖြစ်အောင် ညှိနှိုင်းဖြေရှင်းပေးမယ်။ ညှိနှိုင်းဖြေရှင်းလို့ မရရင်တော့ Record လုပ်ထားမယ်။ ကျွန်တော်တို့ ဖြေရှင်းတာကို လက်မခံရင် ကျွန်တော်တို ထက် တစ်ဆင့်မြင့်တာကို တင်ပြပေါ့။ နောက်ဆုံး Authority  ကတော့ ယူအီးစီမှာ ရှိတာပေါ့”ဟု ခရိုင်ရွေးကောက်ပွဲ စေ့စပ်ညှိနှိုင်းရေး ကော်မတီဝင် တစ်ဦးက ပြောသည်။

      “ပြိုင်ဘက် ပါတီများနှင့် လွှတ်တော် ကိုယ်စားလှယ်လောင်းများ၏ ဂုဏ်သိက္ခာကို ညှိုးနွမ်းစေသော ပုဂ္ဂိုလ်ရေး တိုက်ခိုက်မှု၊ အကြမ်းဖက်မှုများ၊ အမုန်းပွားမှုများကို ဖြစ်ပေါ်စေသည့် အပြောအဆို အပြုအမူ အသွင်ပြင်များမှ ဆောင်ရွက်ခြင်းကို ရှောင်ကြဉ်ရန် ပြည်ထောင်စု ရွေးကောက်ပွဲကော်မရှင်မှ သတိပေးတား မြစ်ထားပြီး၊ ဖောက်ဖျက် ကျူးလွန်ခြင်းများ တွေ့ရှိပါက တည်ဆဲဥပဒေများအရ အရေးယူခြင်းခံရမည်”ဟု ပြည်ထောင်စု ရွေးကောက်ပွဲ ကော်မရှင်၏ ၁/၂၀၁၄ ထုတ် ပြန်ချက်တား မြစ်ချက် ၁၄ (ဆ)တွင် ဖော်ပြထားသည်။

      နိုဝင်ဘာလ (၈)ရက်နေ့တွင် ကျင်းပမည့် ရွေးကောက်ပွဲတွင် ပြည်ခိုင်ဖြိုးပါတီ ပူးတွဲဥက္ကဋ္ဌ ဦးဌေးဦး ၀င်ရောက်ယှဉ်ပြိုင်မည့် ဟင်္သတမြို့နယ် ပြည်သူ့လွှတ်တော် မဲဆန္ဒနယ်တွင် အားပြိုင်မှုများ ဆက်လက် ပြင်းထန်လာနိုင်သည်ဟု ဦးဝင်းမောင်က ခန့်မှန်း ပြောဆိုသည်။

The Messenger

messengernewsjournal.com

Share on Google Plus

About Editor

This is a short description in the author block about the author. You edit it by entering text in the "Biographical Info" field in the user admin panel.