ဧရာဝတီမြစ်ရေတက်တာကြောင့် ရေကြီးနေတဲ့ ဝက်လွတ်ကျေးရွာကို သြဂုတ်လ ၅ ရက်နေ့က တွေ့ရစဉ်။ Photo: Nay Thwae/ RFA |
ငါးသိုင်းချောင်းမြို့ရဲ့ စိုးရိမ်ရေမှတ်ကိုရောက်ဖို့ ၁ ပေတောင်မလိုတော့ဘူးလို့ မိုးလေဝသနဲ့ ဇလဗေဒ ညွှန်ကြားမှုဦးစီးဌာန ဒုတိယညွှန်ကြားရေးမှူးချုပ် ဦးကျော်မိုးဦးက ပြောပါတယ်။
ဒါ့အပြင် ငဝန်မြစ်ကမ်းတလျှောက် နေထိုင်သူတွေကို နောက် ၃ ရက်အတွင်း ရွှေ့ပြောင်းပေးနိုင်ဖို့အတွက် ဧရာဝတီတိုင်းဒေသကြီး အစိုးရအဖွဲ့နဲ့ အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲရေးအဖွဲ့ထံ အကြောင်းကြားထားတယ်လို့ သိရပါတယ်။
ပြီးခဲ့တဲ့ ဇူလိုင်လနဲ့ သြဂုတ်လဆန်းမှာ မိုးကြီးခဲ့တာကြောင့် ဟင်္သာတ၊ ညောင်တုန်း၊ ကလေး၊ ပြည်၊ လက်ပံတန်း၊ မိုးညို၊ ဟားခါး၊ ဖလမ်း စတဲ့ မြို့နယ်အတော်များများမှာ ရေလွှမ်းသွားပြီး ရေဘေးကယ်ဆယ်ရေး စခန်းတွေဖွင့်လှစ်ခဲ့ရပါတယ်။ အဲ့ဒီရေကြီးမှုကြောင့် တစ်နိုင်ငံလုံးအနှံ့ သေဆုံးသူ ၁၂၂ ဦးအထိရှိနေပြီး လူ ၁ သန်းခွဲကျော် ရေဘေးဒဏ်ခံခဲ့ရပါတယ်။
RFA Burmese
http://www.rfa.org/burmese
0 comments:
Post a Comment