ဒေါ်လာတစ်သန်းတန် သင်ခန်းစာ

တစ်နေ့တော့ အကျိုးဆောင်ကုမ္မဏီက လူတစ်ယောက်ဟာ တက္ကစီတစ်စီး ငှားစီးလိုက်ပါတယ်။ သူ့ကို မြို့အနောက်ဖက်မှာနေတဲ့ လူကုံထံအသိုင်းအ၀ိုင်းတစ်ခုက အိမ်ဝယ်မလို့ တိုင်ပင်ဖို့ ခေါ်လိုက်တာဖြစ်ပါတယ်။ အဲဒီမိသားစုဟာ အလွန်ပစိပစပ်နိုင်ပြီးတော့ ပြောရဆိုရတာလဲလက်ပေါက်ကပ်လို့ အခြားအကျိုးဆောင်တွေကတောင် ရှောင်ကြတဲ့သူတွေပါ။

တက္ကစီ ငှားစီးရင်းနဲ့ တက္ကစီသမားဟာ အရမ်းကိုပျော်နေတယ်။ ကားမောင်းတဲ့အခါမှာလဲ အလွန်ဂရုတစိုက်နဲ့မောင်းတယ်။ ဒါနဲ့သူက ခင်ဗျားဘာလို့ လုပ်ငန်းခွင်မှာပျော်ရွင်တာလဲလို့မေးလိုက်တယ်။

တက္ကစီသမားကတော့ အဓိကက ကိုယ်နဲ့တိုက်ဆိုင်တဲ့ ၀ါသနာနဲ့ကိုက်ညီတဲ့အလုပ်ကို ရွေးချယ်နိုင်မှုပါပဲ။
” လူတိုင်းဟာဖြစ်ချင်တာတွေတော့ အများကြီးရှိတာပဲ ဒါပေမယ့် ဖြစ်သင့်တာကိုပဲလုပ်သင့်တယ်။ ကျွန်တော်အင်ဂျင်နီယာတစ်ယောက်ဖြစ်ချငတယ်။ ဒါပေမယ့် အကြောင်းကြောင်းကြောင့် မဖြစ်ခဲ့ရဘူး။ ဒီအချိန်မှာ ကျွန်တော်ဘာလုပ်မလဲ။ ကျွန်တော်ကားမောင်းကျွမ်းကျင်တယ်။ အဲဒါကြောင့် ကားမောင်းတယ်။ ကျွန်တော်အင်ဂျင်နီယာအခုမှဖြစ်ခွင့်ရလဲ မလုပ်ချင်တော့ဘူး ”

အဲဒါနဲ့အကျိုးဆောင်ကလဲ ” ဒါဆိုခင်ဗျား ဖြစ်သင့်တဲ့အလုပ်တွေပဲ လုပ်နေရတော့ လုပ်ငန်းမှာကော်ပျော်ရွင်ရဲ့လား ”
တက္ကစီသမားကတော့ ” တကယ်တော့ လုပ်ငန်းမှာပျော်တယ် မပျော်ဘူးဆိုတာ ကိုယ့်ဝါသနာနဲ့ သိပ်မဆိုင်ဘူး။ ကျွန်တော်ကတော့ အလုပ်တစ်ခုကို ကိုယ့်ဖောက်သည်စိတ်ကျေနပ်အောင် လုပ်နိုင်ပြီဆိုရင် ပျော်ရွှင်မယ်လို့ထင်တာပဲ ။ ကျွန်တော်ဆို ကားမောင်းတယ်။ ကားစိးတဲ့ခရီးသည်တွေ စိတ်တိုင်းကျအောင် စိတ်ကျေနပ်အောင် သည်းခံပြီးတော့ အတတ်နိုင်ဆုံးမောင်းပေးတယ်။ အားလုံးက စိတ်ကျေနပ်ကြတယ်။ဒါကိုကျွန်တော်ပျော်တယ်။ ညအိပ်ရာဝင်ရင်စဉ်းစားတယ်။ ငါ့ကို စိတ်ကျေနပ်တဲ့လူမရှိဘူးဆိုရင်တော့ ကိုယ့်အလုပ်ကို ကိုယ်အားရတယ်။ ကျွန်တော် ကားမောင်းလာတာ ၆ နှစ်နီးပါးရှိလာပြီ။ တစ်ချို့ဆို ကျွန်တော့် ကားစီးရတာ ကျေနပ်လို့ ဖုန်းဆက်ပြီးတောင် မှာကြတယ်။ ဒါကို ကျွန်တော်ပျော်တယ် ”
စကားပြောနေရင်းနဲ့သူသွားချင်တဲ့နေရာရောက်တယ်။ အဲဒါနဲ့ကားပေါ်ကဆင်းလိုက်တယ်။

သူလဲ သူဌေးမိသားစုနဲ့စကားပြောတယ်။ ပြောရတာ လက်ပေါက်ကပ်ပေမယ့် သူလဲအတတ်နိုင်ဆုံး သူ့ဖောက်သည်တွေ စိတ်ကျေနပ်အောင် အမျိုးမျိုးရှင်းပြတယ်။ နာရီများစွာကြာတဲ့အခါမှာတော့ စိတ်ကျေနပ်သွားကြတယ်။ ပြိးတော့ သူ့အလုပ်အတွက် ဒေါ်လာတစ်သန်းတန်တန်တဲ့ အိမ်တစ်လုံးအရောင်းအ၀ယ်ဖြစ်သွားကြတယ်။

သူကားပေါ်မှာ ကားစီးရင်း ၁၂ ဒေါ်လာသာကုန်ကျခဲ့တဲ့ ကားသမားရဲ့သင်ခန်းစာကို အလွန်ကျေးဇူးတင်တယ်။ နောက်ပိုင်း ကားငှားစိးတိုင်း ထိုကားသမားကို တွေ့မလားလို့ လိုက်ရှာတယ်။ ဒါပေမယ့် ငါးသိန်းကျော်တဲ့ နယူးယောခ့် တက္ကစီတွေထဲမှာ တစ်နေ့တော့ ထိုကျေးဇူးရှင်ကို တွေ့ကောင်းတွေ့နိုင်ပါရဲ့

မောင်စိုင်း
petey parker ၏ one million dollar lesson ကို ပြန်ဆိုပါသည်။
Source:myanmarlatestnews.com

Share on Google Plus

About Editor

This is a short description in the author block about the author. You edit it by entering text in the "Biographical Info" field in the user admin panel.